卢慧敏个人资料

盧慧敏喺哥斯達黎加出世，阿爸係香港人，阿媽係墨西哥人，五歲嗰陣成家移民香港，所以識講西班牙話、廣東話同英文。盧慧敏2013年入讀香港浸會大學食物安全及環境健康系期間，畀經理人睇中，開始做兼職模特兒，出名作品係幫藝人余文樂旗下女裝牌子拍廣告。2016年，佢幫viuTV拍短劇《Kai Pop》而開始出名，之後再繼續拍viuTV電視劇。佢個樣同廖碧兒有啲似，所以電視劇《前度》就搵佢做咗廖碧兒角色嘅後生版，而另一套劇《身後事務所》入面兩位嘅角色就係母女關係。